នាព្រឹកថ្ងៃសៅរ៍ ទី២០ ខែកុម្ភៈ ឆ្នាំ២០២១ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយប្រគល់ជូនអាជ្ញាធរសង្កាត់បាក់ខែង និងសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។
សង្កាត់នីមួយៗ ទទួលបានថវិកាចំនួន០៣លានរៀល អង្ករចំនួន១០០បាវ និងទឹកត្រីចំនួន១៧យួរ ទឹកស៊ីអ៉ីវចំនួន១៧ យួរ និងប្រេងឆា១០០ដប ដើម្បីទុកសម្រាប់ចែកជូនប្រជាពលរដ្ឋដែលមានជីវភាពខ្វះខាត និងប្រជាពលរដ្ឋងាយរងគ្រោះ។
ក្នុងឱកាសនោះដែរ ឯកឧត្តមអគ្គលេខាធិការរងព្រឹទ្ធសភា ក៏បានចុះជួបសំណេះសំណាលជាមួយនឹងលោកគ្រូអ្នកគ្រូ សិស្សានុសិស្ស នៅសាលាវិទ្យាល័យប៊ុនរ៉ានីហ៊ុនសែនកោះដាច់ព្រមទាំងបានឧបត្ថម្ភនូវថវិកាមួយចំនួនដល់ លោកគ្រូអ្នកគ្រូ សិស្សានុសិស្ស ដែលបានចូលរួម។
